मौलाना आझाद उर्दू प्राथमिक व माध्यमिक शाळेत वार्षिक क्रीडा दिन उत्साहात साजरा
बीड: (खान अस्मा रईस खान)
मौलाना आझाद उर्दू प्राथमिक व माध्यमिक शाळेत आज वार्षिक क्रीडा दिन अत्यंत उत्साह आणि शिस्तबद्ध वातावरणात साजरा करण्यात आला. या क्रीडा दिनाचे उद्घाटन प्रमुख पाहुणे इनामदार मुजीब भाई, नगराध्यक्ष बीड यांच्या शुभहस्ते करण्यात आले.
या कार्यक्रमाला विशेष उपस्थिती म्हणून पत्रकार तालेब भाई, हमीद खान, मुन्ना भाई आणि हाजी जहुरोद्दीन हे मान्यवर उपस्थित होते.
शाळा व्यवस्थापनाकडून
अध्यक्ष शकीला मॅडम,
सचिव शेख रसूल सर,
संयुक्त सचिव हाजी अब्दुल खालिक सर,
शाळेच्या मुख्याध्यापिका लोधी जहाँ बानो यांच्यासह
मोमिन हिना मॅडम, तस्लीम मॅडम, रुखसाना मॅडम, अकील सर, शाकेर सर, मोहम्मद सर आणि मुशीर बागे सर उपस्थित होते.
संपूर्ण कार्यक्रमाचे सूत्रसंचालन आसिफ इनामदार यांनी अत्यंत प्रभावीपणे केले. दिवसभर विविध क्रीडा स्पर्धांचे आयोजन करण्यात आले असून विद्यार्थ्यांनी मोठ्या उत्साहाने सहभाग नोंदवला.
कार्यक्रमाच्या समारोपप्रसंगी शाळा व्यवस्थापनाच्या वतीने यशस्वी विद्यार्थ्यांना चषक (ट्रॉफी) व पदके (मेडल्स) प्रदान करण्यात आली. प्रमुख पाहुण्यांनी विद्यार्थ्यांचे कौतुक करत क्रीडा स्पर्धा विद्यार्थ्यांच्या सर्वांगीण विकासासाठी अत्यंत महत्त्वाच्या असल्याचे मत व्यक्त केले.
हा वार्षिक क्रीडा दिन विद्यार्थ्यांसाठी संस्मरणीय ठरला.
