पारवे ताई निवडून आल्यास मुजीबभाईंच्या माध्यमातून कारंजा टॉवरचे परिपूर्ण नूतनीकरण होईल?
ऐतिहासिक वास्तू समोर शुभेच्छा स्वीकारल्याने शहरवासीयांमध्ये उत्सुकता!
बीड (प्रतिनिधी) – संपादक मुजीब शेख यांनी शहराची ओळख असलेल्या ऐतिहासिक कारंजा टॉवर समोर वाढदिवसाच्या शुभेच्छा स्वीकारल्याने तसेच नुकत्याच झालेल्या नगरपालिका निवडणुकीत त्यांनी त्यांच्या सासूमाई पालवे ताई यांचा जोरात प्रचार व प्रसार केल्याने त्या निवडून आल्यास कारंजा टॉवर या ऐतिहासिक वास्तूचे परिपूर्ण नूतनीकरण होईल का याची उत्सुकता या अनुषंगाने बीड शहरवासियांना लागली आहे.
बीड शहरात प्रथमच एक संपादक तसेच नगराध्यक्ष पदासाठी झालेल्या निवडणुकीत नगराध्यक्ष पदाच्या उमेदवाराकरिता आकाश पाताळ एक करणारे मुजीब शेख यांचा वाढदिवस बीड शहराची ओळख असलेले ऐतिहासिक कारंजा टॉवर समोर साजरा करण्यात आला.
यावेळी तालेब पटेल, सुरेश शेटे, झुंजार धांडे, खाजा शेख यांच्यासह अनेकांची प्रमुख उपस्थिती होती.
मुजीब शेख यांनी ऐतिहासिक वास्तू समोर वाढदिवसाच्या शुभेच्छा स्वीकारताना निश्चितपणे या ऐतिहासिक वास्तूचे परिपूर्ण नूतनीकरण व सुशोभीकरण करणे कसे आवश्यक आहे हे पाहिले असेलच. त्यांनी एका वृत्तपत्राच्या संपादकाच्या जबाबदारीसह नगराध्यक्ष पदासाठी त्यांच्या सासूमाई असलेल्या पालवे ताई यांच्यासाठी निवडणूकीत मोठे परिश्रम घेतल्याने मतमोजणीनंतर बीड नगर परिषदेच्या नगराध्यक्षपदी त्या निवडून आल्या तर मुजीब भाई यांच्या माध्यमातून ऐतिहासिक कारंजा टॉवरचे परिपूर्ण नूतनीकरण व सुशोभीकरण होईल का याची उत्सुकता बीड शहरवासीयांना या निमित्ताने लागली असल्याचे ऐतिहासिक कारंजा टॉवर साठी सातत्याने संघर्षरत असलेले मुक्तपत्रकार एस.एम.युसूफ़ आणि ज्येष्ठ सामाजिक कार्यकर्ते तथा उद्योजक रमेशराव गंगाधरे यांनी म्हटले आहे.
