कंटेनरच्या ट्रक अपघातात एक ठार,दोन जखमी .
गेवराई वार्ताहर
गेवराई शहरा पासून दोन किलोमीटर अंतरावर इसार पंपाजवळ बाह्यवळण रस्त्यावर उड्डाण पुलाचे काम चालु असलेल्या ठिकाणी दोन कंटेनरची समोरासमोर धडक होवुन झालेल्या अपघातात एक जण ठार तर दोन जण गंभीर जखमी झाल्याची घटना मंगळवार रोजी दुपारी २.३० वाजण्याच्या सुमारास घडली.
याबाबत अधिक माहिती अशी की गेवराई पासून दोन किलोमीटर अंतरावर हिसार पंपाजवळ ट्रक आणि कंटेनर ची समोरासमोर धडक होऊन इमाम घासिखान पठाण वय ४० राहणार वडवळ तालुका चाकुर जिल्हा लातूर असे ठार झालेल्याचे नावं असुन जावेद गुलाब चौधरी वय ३० व फरमान जावेद पाशा वय २३ दोघे राहणार उत्तर प्रदेश असे जखमीचे नांवे असुन अपघातातील एक कंटेनर बीडहुन छत्रपती संभाजी नगर कडे जात होता तर दुसरा कंटेनर छत्रपती संभाजी नगर हुन बीड च्या दिशेने येत असतांना दोन्ही कंटेनरची शहरा बाहेरून जाणा-या बाह्यवळण चौका जवळ उड्डाण पुलाचे काम चालु असलेल्या ठिकाणी समोरासमोर जोराची धडक होवुन एक ठार दोन जखमी झाले.या अपघातात दोन्ही गाड्याचा समोरील भाग चक्काचुर झाला आहे.जखमीला येथील उपजिल्हा रुग्णालय उपचार करून पुढील उपचारासाठी छत्रपती संभाजी नगर येथे पाठवले आहे. या अपघातामुळे तब्बल चार तास वाहतूक विस्कळीत झाली होती.या प्रकरणी उशिरा पर्यंत गेवराई पोलीस ठाण्यात गुन्हा दाखल करण्यात आला नव्हता.
