खान अस्मा रईस खान
बीड :
लोकशाहीत विजय–पराजय नव्हे, लोकांचा विश्वास महत्तवाचा
लोकशाहीत निवडणूक ही केवळ जिंकण्या–हरण्याची स्पर्धा नसते, तर ती जनतेच्या विश्वासाची परीक्षा असते. कोण जिंकले आणि कोण पराभूत झाले, यापेक्षा महत्वाचे हे आहे की जनतेने कोणाला आपला प्रतिनिधी म्हणून योग्य समजले आणि त्याला साथ दिली. मतदार आपल्या आशा-अपेक्षा लक्षात घेऊन उमेदवाराची निवड करतात. त्यामुळे निवडून आलेल्या लोकप्रतिनिधींवर एक मोठी जबाबदारी येते.
आजच्या काळात जनता फक्त घोषणांवर विश्वास ठेवत नाही, तर प्रत्यक्ष काम आणि प्रामाणिकपणाकडे पाहते. निवडणुकीत विजयी होणे हे यशाचे अंतिम ध्येय नसून जनतेच्या समस्यांचे निरसन करणे, त्यांच्या जीवनात सकारात्मक बदल घडवून आणणे हेच खरे यश आहे. आरोग्य, शिक्षण, रोजगार, पायाभूत सुविधा आणि सुरक्षितता या सारख्या प्रश्नांवर काम करणे हीच खरी सेवा मानली जाते.
निवडून आलेल्या प्रतिनिधींनी हे लक्षात ठेवले पाहिजे की त्यांचा विजय हा केवळ राजकीय यश नसून जनतेने ठेवलेला विश्वास आहे. त्यांनी विनम्रपणे वागून सर्व समाजघटकांना न्याय दिला पाहिजे. त्यांच्या कामातून जनता घेतलेला निर्णय योग्य होता हे सिद्ध झाले पाहिजे. सत्ता ही अधिकारापेक्षा जबाबदारी असते, हे समजून काम केल्यास लोकशाही आणखी मजबूत होईल.
म्हणूनच, निवडणुकीतील विजय–पराजयापेक्षा जनतेचा सन्मान राखणे आणि त्यांची सेवा करणे हेच प्रतिनिधींचे खरे कर्तव्य आहे. जनतेच्या विश्वासाला न्याय देणे, हीच लोकशाहीची खरी ताकद आहे.
